Төсөл хэрэгжсэнээр хүн амын хэт төвлөрлийг сааруулах, иргэдийн төлбөрийн чадварт нийцсэн орон сууцны хангамжийг нэмэгдүүлэх, эрүүл аюулгүй орчинд ажиллаж, амьдрах нөхцөлийг бүрдүүлж, агаар, хөрс, орчны бохирдлыг бууруулна.

Тодруулбал,  гарч байгаа бохир усны хэмжээн дэх хатуу хог хаягдал нэмэгдсэнтэй холбоотойгоор өргөлтийн насос станцын хүлээн авах санг цэвэрлэх юм.

Энэхүү төсөл нь Улаанбаатар хотын агаарын чанарыг сайжруулах, эрчим хүчний үр ашгийг нэмэгдүүлэхэд чиглэж байгаа юм.

Нийслэл, дүүргийн хэмжээнд цас цэвэрлэгээний техник нэлээд шинэчлэгдсэн.

Чингэлтэй, Сүхбаатар дүүргийн 158 га талбайг хамрах 8565 өрхийн орон сууц бүхий анхны жишиг “Сэлбэ 20 минутын хот” төслийн нийт долоон багц бүтээн байгуулалтын ажил үе шаттай үргэлжилж байна. Сэлбэ хотыг орон сууцжуулах төслийн нэг, хоёрдугаар багцын бэлтгэл ажил 98 хувьтай үргэлжилж байна.

Цэцэрлэгийн чанар хүртээмжийг нэмэгдүүлэх, суралцагчдын суралцах орчин нөхцөлийг сайжруулах зорилгоор ЧД-ийн 16 дугаар хороонд улсын төсвийн хөрөнгө оруулалтаар 100 ортой цэцэрлэг барьж, улсын комисст хүлээлгэн өгөхөөр ажиллаж байна.

Экосистемийн тэнцвэрт байдлыг хангасан, сэргээгдэх эрчим хүчний шийдлийг нэвтрүүлсэн, хүлэмжийн хийн ялгарал багатай 5000 айлын орлогод нийцсэн ногоон орон сууцны төслийг Баянхошуу, Шархадны хоёр байршилд хэрэгжүүлж байна. Тодруулбал, төслийн эхний үе шатанд Баянхошуу дэд төвд 462 айлын 10 блок орон сууц, Шархад дэд төвд 338 айлын 10 блок орон сууц, үйлчилгээний барилгыг барьж буй.

Туулын хурдны зам болон Нэгдүгээр тойрог замын огтлолцлын цэгт өнөөдөр улаан шугам татлаа. Энэ хүрээнд нийслэлийн Засаг дарга бөгөөд Улаанбаатар хотын Захирагчийн Дэд бүтэц, эрчим хүчний асуудал хариуцсан зөвлөх Г.Батсайхан болон холбогдох албаныхан Баянзүрх дүүргийн 26 дугаар хороо, Богдхан уулын Залаатын ам орчимд замын трассын дагуу ажиллалаа.

Сонгинохайрхан дүүргийн 5, 6, 7 дугаар хорооны нутаг дэвсгэрт байрлах Ханын материал орчмын гэр хорооллыг орон сууцжуулах төсөл хэрэгжиж байна.

Улаанбаатар хотын баруун талд зусланд гардаг иргэд болон Тахилт, Орбит, Нарангийн гол, Их наран чиглэлийн иргэдэд дуулгах таатай мэдээтэй.

Нийслэлийн Засаг даргын Тамгын газар болон Дэлхийн банк хамтран хэрэгжүүлж буй "Улаанбаатар хотын тогтвортой автозам" төслийн хүрээнд Улаанбаатар хотын тогтвортой зорчилт хөдөлгөөний стратеги" тайлангийн хуралд оролцож байна. Тус хурлын үеэр дэлхийн улс орнуудын туршлага, Улаанбаатар хотын тогтвортой зорчилт хөдөлгөөний стратеги болон цаашдын төлөвлөгөөг танилцуулж, хэлэлцлээ.

НИТХ-ын төлөөлөгч Л.Хосбаяр: Сүүлийн үед барилга, зам зэрэг бүтээн байгуулалтын ажлууд эрчимтэй үргэлжилж байна. Үүний зэрэгцээ бид хүний хөгжил болон хүүхэд хамгааллын ажлыг орхигдуулж болохгүй.

Галлагааны улирал эхэлсэнтэй холбогдуулан айл өрхийн зуухны бүрэн бүтэн байдал, угаар мэдрэгчийн ажиллагаа зэрэгт шалгалт хийж, зөвлөгөө мэдээлэл өгч байна. Энэ хүрээнд НЗД-ын орлогч А.Амартүвшин Хан-Уул дүүргийн 8 дугаар хороонд ажиллалаа.

Хагас коксон түлшний үйлдвэрийг төр, хувийн хэвшлийн түншлэлээр барих тендерийг аравдугаар сард зарлана. Өнөөдрийн байдлаар: ✅ Төслийн газрын зөвшөөрөл 100% ✅ Нэгжийн ТЭЗҮ 100% ✅ Технологийн судалгаа 100% ✅ Хөгжлийн төлөвлөгөө 90%-тай байна. Хагас коксон түлшний үйлдвэрийг барьснаар нэмүү өртөг шингэсэн хүнд үйлдвэрлэлийг хөгжүүлж, боловсруулах үйлдвэрлэлийг нэг шат ахиулснаар экспортын орлогыг нэмэгдүүлэх, олон улсын түүхий эдийн үнээс хараат байдлыг бууруулах боломж бүрдэнэ. Ташрамд, 2025-2026 оны галлагааны улиралд 306 мянган тонн хагас коксон шахмал түлшийг борлуулахаар төлөвлөсөн.